მკაცრად ვგმობ ირანის ისრაელზე თავდასხმას, – ამის შესახებ ევროპული საბჭოს პრეზიდენტი, შარლ მიშელი სოციალურ ქსელში წერს.
„ეს მომაკვდინებელი ესკალაციის ჯაჭვი ახლავე უნდა შეჩერდეს. რეგიონული ომი არავის ინტერესში არ შედის. ევროკავშირი მზად არის მხარი დაუჭიროს დეესკალაციისა და მშვიდობიანი მოსახლეობის სიცოცხლის დაცვის მცდელობებს“, – წერს ევროპული საბჭოს პრეზიდენტი, შარლ მიშელი.
ირანმა ისრაელზე სარაკეტო თავდასხმა დღეს განახორციელა. ირანის „ისლამური რევოლუციის გუშაგთა კორპუსის“ განცხადებით, ისრაელის მიმართულებით ათობით რაკეტა გაუშვეს. ისრაელის თავდაცვის ძალების პირველადი შეფასებით კი, ირანმა ისრაელის მიმართულებით 180 რაკეტა გაუშვა. ამასთან, როგორც ისრაელში განაცხადეს, ამ ეტაპზე ირანიდან დამატებითი სარაკეტო შეტევის საფრთხე არ არსებობს.
I condemn in the strongest terms Iran’s attack against Israel; this is a threat to regional security.
— Charles Michel (@CharlesMichel) October 1, 2024
The deadly escalatory spiral in the Middle East must stop now. A regional war is in no one’s interest.
The EU stands ready to support efforts to deescalate and protect…
