რუსმა ოკუპანტებმა ზაპოროჟიეზე და დნეპრზე იერიში მიიტანეს - არიან დაღუპულები

დნეპრში რაკეტა საცხოვრებელ სახლს მოხვდა. დნეპროპეტროვსკის ოლქის ადმინისტრაციის უფროსის, სერგეი ლისაკის თქმით, დაბომბვის შედეგად დაღუპულია ერთი ადამიანი.

"სამწუხაროდ მივიღეთ ინფორმაცია ერთი დაღუპულისა და 3 დაჭრილის შესახებ დნეპრში. ვუსამძიმრებთ ოჯახის წევრებსა და ახლობლებს". – თქვა ლისაკმა.

ოკუპანტებმა ასევე იერიში მიიტანეს ზაპოროჟიეზე. შედეგად დაიღუპა 2 ადამიანი, მათ შორის 8 წლის ბავშვი, ასევე დაშავებულია 2 მოქალაქე.

"დაახლოებით 23:00 საათზე, რუსეთმა ქალაქი დაბომბა. სამწუხაროდ 2 ადამიანი, დაიღუპა, მათ შორის 8 წლის ბავშვი. ასევე დაჭრილია 12 წლის გოგონა, რომელიც ამ წუთებში რეანიმაციაში იმყოფება". – თქვა ზაპოროჟიეს ადმინისტრაციის უფროსმა ივან ფედოროვმა.