ბოლომდე მხარს ვუჭერ ელჩ პეტერ ფიშერს, მან უბრალოდ ფაქტები თქვა, – ასე ეხმიანება გერმანიის ბუნდესტაგის საგარეო ურთიერთობათა კომიტეტის თავმჯდომარე მიხაელ როთი პრემიერ-მინისტრ ირაკლი კობახიძის მიერ საქართველოში გერმანიის ელჩთან დაკავშირებით გაკეთებულ განცხადებებს.

“ბოლომდე მხარს ვუჭერ ელჩ პიტერ ფიშერს. მან უბრალოდ ფაქტები თქვა…”, - წერს როთი სოციალურ ქსელში.

შეგახსენებთ, რომ გერმანიის ელჩმა საქართველოში პიტერ ფიშერმა  BMG-სთან განაცხადა, რომ "საქართველოს მთავრობამ მიიღო კანონი, რომელიც არ შეესაბამება ევროპულ კანონმდებლობას და შესაბამისად, მისთვის ამ კანონით ევროკავშირში გაწევრიანების მოლაპარაკებები არ გაიხსნება".

აღნიშნულ განცხადებას კი საქართველოს პრემიერი ირაკლი კობახიძე გამოეხმაურა: "გერმანიის ელჩი „ლელოსთან“ ერთად რეგიონში დადიოდა წინასაარჩევნო კამპანიაზე. ბოლნისში იყო ჩასული „ლელოს“ ლიდერებთან ერთად - ასეთი არასერიოზული ქმედებების ფონზე ამ კაცის განცხადებას დიდ მნიშვნელობას ვერ მიანიჭებ".