ესტონეთი უკრაინას 10 000 საარტილერიო ჭურვსა და 750 000 სასურსათო პაკეტს გადასცემს. ინფორმაციას ესტონეთის პრემიერმინისტრი, კრისტენ მიხალი, სოციალურ ქსელ X-ზე ავრცელებს.
"უკრაინის პოზიციის გაძლიერებისა და რუსეთზე ზეწოლის გასაზრდელად, ესტონეთი უკრაინელ მებრძოლებს 10 000 საარტილერიო საბრძოლო მასალას და 750 000 სასურსათო პაკეტს გადასცემს. გარდა ამისა, როგორც კი შესაძლებელი იქნება, დამატებით 100 მილიონ ევროზე მეტი ღირებულების ჩვენს თავდაცვის ინდუსტრიაში წარმოებულ აღჭურვილობას გავაგზავნით", – წერს ესტონეთის პრემიერმინისტრი.
კრისტენ მიხალმა ასევე აღნიშნა, რომ "უკრაინა თავად გადაწყვეტს საკუთარ მომავალს. თქვენ ყოველთვის შეგიძლიათ ესტონეთის იმედი გქონდეთ".
