აშშ-ის პრეზიდენტმა დონალდ ტრამპმა NBC News-თან ინტერვიუში განაცხადა, რომ შეერთებული შტატები ირანის შემდეგი ლიდერის არჩევაში უნდა მონაწილეობდეს, რომ მას ირანის ლიდერის სრული ჩამოშორება სურს და "კარგი ლიდერის" თანამდებობისთვის რამდენიმე კანდიდატი ჰყავს.
ტრამპმა განაცხადა, რომ მისი აზრით, ირანის შემდეგი ლიდერი ნაკლებად სავარაუდოა, რომ იყოს მოკლული უზენაესი ლიდერის, აიათოლა ალი ხამენეის ვაჟი.
"ჩვენ გვინდა, რომ მოვიდეთ და ყველაფერი მოვაწესრიგოთ. ჩვენ არ გვინდა, რომ ვინმემ 10 წლის განმავლობაში აღადგინოს ქვეყანა. ჩვენ გვინდა, რომ მათ კარგი ლიდერობა ჰყავდეთ. ჩვენ გვყავს რამდენიმე ადამიანი, რომლებიც, ვფიქრობ, კარგ საქმეს გააკეთებენ", - განაცხადა ამერიკის პრეზიდენტმა.
ტრამპმა კონკრეტული სახელების დასახელებისგან თავი შეიკავა, თუმცა აღნიშნა, რომ აშშ იღებს ზომებს სიაში შეყვანილი პირების გადარჩენის უზრუნველსაყოფად.
"დიახ, ჩვენ მათ ვაკვირდებით", - თქვა მან.
