აშშ-ის პრეზიდენტმა დონალდ ტრამპმა განაცხადა, რომ ვენესუელის ლიდერის, ნიკოლას მადუროს დაკავების შემდეგ კუბაში ვითარება არასტაბილურია. ამის შესახებ ტრამპმა Politico-თან ინტერვიუში განაცხადა.
სატელეფონო საუბრის დროს ტრამპმა უარყო შეშფოთება, რომ ირანთან ომი გაზის ფასებსა და აშშ-ის საბრძოლო მასალის მარაგებზე გავლენას მოახდენს და აღნიშნა, რომ სამხედრო შეტევა ამომრჩევლებში პოპულარულია.
"ხალხი აღფრთოვანებულია იმით, რაც ხდება", - თქვა ტრამპმა.
მისი პროგნოზით, ირანის მთავრობა არ იქნება უკანასკნელი, რომელიც გატყდება.
"კუბაც დაეცემა", - თქვა ტრამპმა.
"ჩვენ შევწყვიტეთ ნავთობის, ფულის და ყველაფრის მიწოდება ვენესუელადან, რომელიც ერთადერთი წყარო იყო. და მათ სურთ შეთანხმების დადებამ", - განაცხადა ტრამპმა.
ტრამპმა ასევე დაადასტურა, რომ შეერთებული შტატები კონტაქტზეა კუბის კომუნისტურ ხელმძღვანელობასთან, რადგან ვენესუელის ლიდერის, ნიკოლას მადუროს დაკავების შემდეგ კუნძულზე არასტაბილურობა მწვავდება.
"მათ დახმარება სჭირდებათ. ჩვენ კუბასთან მოლაპარაკებებს ვაწარმოებთ", - დასძინა მან.
