ალექსეი ნავალნის გარდაცვალებასთან დაკავშირებით ჩეხეთის საგარეო საქმეთა სამინისტრომ რუსეთის ელჩი უწყებაში დაიბარა.
„შემიძლია, დაგიდასტუროთ, რომ მინისტრმა იან ლიპავსკიმ ალექსეი ნავალნის გარდაცვალებასთან დაკავშირებით რუსეთის ელჩის დაბარების გადაწყვეტილება მიიღო. ჩეხეთი მოითხოვს გარდაცვალების გარემოებების ახსნასა და გარდაცვლილის ოჯახისთვის ცხედრის გადაცემის შესახებ განმარტებების მიცემას“, – აღნიშნა სამინისტროს სპიკერმა.
რუსი ოპოზიციონერის, ალექსეი ნავალნის გარდაცვალების შემდეგ, ჩეხეთის მსგავსად, რამდენიმე ქვეყანამ დაიბარა რუსეთის ელჩი საგარეო საქმეთა უწყებაში, მათ შორის დიდმა ბრიტანეთმა, შვედეთმა, ფინეთმა, ესპანეთმა, გერმანიამ, ნორვეგიამ და პოლონეთმა.
