ფოკსბოროში, „ჟილეტ სტედიუმზე“, ფეხბურთში მსოფლიო ჩემპიონატის პირველი მეოთხედფინალური შეხვედრა დასრულდა.
პირველ ტაიმში საფრანგეთის ნაკრებმა დიდი უპირატესობის მიუხედავად ვერ შეძლო გოლის გატანა.
მეორე ნახევრის მეთხუთმეტე წუთზე მაროკოელთა მეკარეს, რომელმაც პირველ ტაიმში რამდენიმე სახიფათო დარტყმა და თერთმეტმეტრიანი მოიგერია, კილიან მბაპეს ლამაზი და ძლიერი დარტყმის შემდეგ კარის ბადიდან პირველი გაშვებული გოლის გამოტანა დასჭირდა.
ექვსი წუთის შემდეგ უსმან დემბელემ, მბაპეს გადაცემის შემდეგ, ანგარიში გაზარდა.
ამის შემდეგ მომენტები ორივე გუნდას ჰქონდა, მაგრამ ანგარიში აღარ შეცვლილა და საფრანგეთი ნახევარფინალში გავიდა.
საფრანგეთი - მაროკო 2:0(0:0)
გოლები: 60' კილიან მბაპე 1:0, 66' უსმან დემბელე 2:0
28-ე წუთზე კილიან მბაპეს დარტყმული თერთმეტმეტრიანი მაროკოელთა მეკარე ბონომ მოიგერია.
კილიან მბაპე მიმდინარე ჩემპიონატზე გატანილი გოლების რაოდენობით ლიონელ მესის წამოეწია, ყველა ჩემპიონტზე ერთად გატანილი გოლების რაოდენობით კი მესი ლიდერობს. მას 21 გოლი აქვს გატანილი, კილიან მბაპეს კი 20.
ნახევარფინალში საფრანგეთი ესპანეთს და ბელგიას შორის გამარჯვებულს შეხვდება.
