მოჭადრაკე ქალთა მსოფლიო ჩემპიონატზე ორი ტურის შემდეგ საქართველო და ჩინეთი დაწინაურდნენ

ორ ჯგუფად გაყოფილი  შეჯიბრების მონაწილე 12 უძლიერესი ნაკრები წრიული სისტემით არკვევს მეოთხედფინალისტების ვინაობას.

საქართველოს მოჭადრაკე ქალთა ნაკრები (ნინო ბაციაშვილი - 2461; ლელა ჯავახიშვილი - 2427; ბელა ხოტენაშვილი - 2424, მერი არაბიძე - 2408, ძირითადი შემედგენლობის საშუალო რეიტინგი - 2430; სათადარიგოები: ანასტასია კირთაძე - 2308 და კესარია მგელაძე - 2271) ჩინეთთან (2473), უკრაინასთან (2399), საფრანგეთთან (2353), უზბეკეთთან (2336) და ინდოეთთან (2334) ერთად B ჯგუფში ასპარეზობს.

საქართველოს ნაკრებმა პირველი ორი  შეხვედრა თავის სასარგებლოდ დაასრულა.

საქართველო - უზბეკეთი 3,5:0,5
ნინო ბაციაშვილი 1-0 გულრუსბეგიმ ტახიჯანოვა
უმიდა ომონოვა 0-1 ლელა ჯავახიშვილი
ბელა ხოტენაშვილი 1-0 გულდონა კარიმოვა
მადინაბოლუ ხალილოვა 0,5-0,5 მერი არაბიძე 

საქართველო - ინდოეთი  3,5-0,5
პოუტ პადმინი 0,5-0,5 ნინო ბაციაშვილი
ლელა ჯავახიშვილი 1-0 პალატურ ვენდკატჩალამ ნანდჰიდჰაა
სარაიუ ვედპულა 0-1 ბელა ხოტენაშვილი 
მერი არაბიძე 1-0 შრი ბასკარ სავითა

ორი ტურის შემდეგ ჩინეთს (მის რიგებში დაბრუნდა ყველა დროის საუკეთესო ქალთა რეიტინგში მეორე ადგილზე მყოფი ჰოუ იფანი) და საქართველოს ოთხ-ოთხი ქულა აქვთ, ინდოეთს და უკრაინას ორ-ორი, უზბეკეთი და საფრანგეთი კი უქულოდ არიან.