თბილისის საკრებულოს ჯანმრთელობის დაცვის და სოციალურ საკითხთა კომისიის თავმჯდომარის, ზურაბ ჩიკვილაძის, განცხადებით, ჯანდაცვის მიმართულებით როგორც გასული, ასევე 2024 წელიც გამორჩეული იქნება.
„ჯანდაცვის პროგრამები ფართოვდება როგორც მუნიციპალურ, ასევე ფედერალურ დონეზე. ამ პროცესში მნიშვნელოვანია ერთიანი მიდგომა და სახელმწიფოს მუდმივი მზაობა, რათა ამ მიმართულებით არცერთი ადამიანი არ დარჩეს არსებული სერვისების გარეშე“, - აცხადებს ზურაბ ჩიკვილაძე.
მისივე თქმით, თბილისის მუნიციპალიტეტის მიერ ონკოლოგიური დაავადებების მქონე პაციენტებისთვის სამკურნალო მედიკამენტები 100%-ით ფინანსდება და საჭიროებიდან გამომდინარე, მათ მკურნალობას უწყვეტ რეჟიმში სრული დაფინანსებით დედაქალაქის მერია უზრუნველყოფს.
„ჯანდაცვის პროგრამების რაოდენობა ყოველწლიურად მზარდია. სახელმწიფო დონეზე მიღებული გადაწყვეტილებით, მუნიციპალურ პროგრამებთან ერთად, საყოველთაო ჯანდაცვის პროგრამით, საჭიროების გათვალისწინებით, ადამიანების სრული დაფინანსება მოხდება.
არსებული პროგრამა მოიცავს ქრონიკულ დაავადებათა სამკურნალო მედიკამენტების დიდ ჩამონათვალს, მათ შორის გლაუკომის სამკურნალო მედიკამენტებს, რამე თუ ამ დაავადების მქონე ადამიანთა რიცხვი დიდია. ჩვენი მიზანი საზოგადოებისთვის მედიკამენტებზე მაქსიმალური ხელმისაწვდომობის უზრუნველყოფაა“, - აცხადებს ზურაბ ჩიკვილაძე.
