საქართველოში უარყოფითი ბუნებრივი მატება ზედიზედ მეხუთედ დაფიქსირდა

საქართველოს სტატისტიკის ეროვნული სამსახურის თანახმად, 2024 წელს, საქართველოში ცოცხლად დაბადებულთა რიცხოვნობამ 39 483 ბავშვი შეადგინა, რაც წინა წლის ოდენობაზე 1,8 %-ით ნაკლებია.  

2024 წელს, 2023 წელთან შედარებით, გარდაცვლილთა რიცხოვნობა 2,8 პროცენტით გაიზარდა და 43 971 ერთეული შეადგინა.

2024 წელს, საქართველოში დაფიქსირდა უარყოფითი ბუნებრივი მატება (სხვაობა ცოცხლად დაბადებულთა და გარდაცვლილთა რიცხოვნობას შორის) და -4 488 ერთეულით განისაზღვრა.

2024 წელს, საქართველოში ზედიზედ მეხუთედ დაფიქსირდა უარყოფითი ბუნებრივი მატება

ცოცხლად დაბადებულთა რაოდენობა 2020-2024 წლების განმავლობაში:

2020 – 46 520
2021 - 45 946
2022 - 42 319*
2023 - 40 214
2024 - 39 483

გარდაცვლილთა რაოდენობა 2020-2024 წლებში:

2020 – 50 537
2021 - 59 906
2022 - 49 118
2023 - 42 756
2024 - 43 971

ბუნებრივი მატება 2020–2024 წლებში:

2020 მინუს 4 017
2021 მინუს 13 960
2022 მინუს 6 799
2023 მინუს 2 542
2024 მინუს 4 488

* საქართველოს სტატისტიკის ეროვნული სამსახურის 2023 წლის ძირითადი დემოგრაფიული მაჩვენებლების შესახებ გამოქვეყნებულ მონაცემებში მითითებულია ცოცხლად დაბადებულთა აღნიშნული ოდენობა, ამჟამად საიტზე ატვირთულ მონაცემებში ცოცხლად დაბადებულთა რიცხოვნობა შემცირებულია 18-ით, გარდაცვალების და ბუნებრივი მატების მაჩვენებლები კი უცვლელია.