თბილისის მერი კახა კალაძე გულშემატკივრებს პირველი რესპუბლიკის მოედანზე იწვევს, სადაც თბილისის მერია საქართველოს ფეხბურთის ფედერაციასთან ერთად, ერთა ლიგის მეორე ტურის მატჩის - ალბანეთი-საქართველოს საჯარო ჩვენებას გამართავს.
ამის შესახებ კახა კალაძე სოციალურ ქსელში წერს.
„ერთად ვუქომაგოთ საქართველოს ნაკრებს! ხვალ, 10 სექტემბერს, გელოდებით პირველი რესპუბლიკის მოედანზე, სადაც თბილისის მერია, საქართველოს ფეხბურთის ფედერაციასთან ერთად, ერთა ლიგის მეორე ტურის მატჩის საჯარო ჩვენებას გამართავს. 10 სექტემბერს, თბილისის დროით 22:45 საათზე, ტირანაში, საქართველოს ნაკრები ალბანეთს დაუპირისპირდება“, - წერს კახა კალაძე.
