დასრულდა ბათუმში, აჭარის ავტონომიური რესპუბლიკის უმაღლესი საბჭოს რიგგარეშე პლენარული სხდომა, სადაც აჭარის ავტონომიური რესპუბლიკის მთავრობის შემადგენლობის დაამტკიცეს.
უმაღლესმა საბჭომ აჭარის ავტონომიური რესპუბლიკის მთავრობის თავმჯდომარედ ზურაბ პატარაძეს კანდიდატურა დაამტკიცა.
ზურაბ პატარაძეს და მის მიერ წარმოდგენილ მინისტრთა კაბინეტს მხარი 13-მა დეპუტატმა დაუჭირა.
პატარიძის მინისტრთა კაბინეტის შემადგენლობა უცვლელი დარჩა.
აჭარის ავტონომიური რესპუბლიკის განათლების, კულტურისა და სპორტის მინისტრად მაია ხაჯიშვილი;
აჭარის ავტონომიური რესპუბლიკის ჯანმრთელობისა და სოციალური დაცვის მინისტრად ნინო ნიჟარაზე;
აჭარის ავტონომიური რესპუბლიკის სოფლის მეურნეობის მინისტრად დენის სალუქვაძე;
აჭარის ავტონომიური რესპუბლიკის ფინანსთა და ეკონომიკის მინისტრად ედნარ ნატარიძე;
აჭარის კულტურის მინისტრად ელისო ბოლქვაძე.
შეგახსენებთ, 2026 წლის 23 აპრილს, საქართველოს პრეზიდენტმა მიხეილ ყაველაშვილმა აჭარის ავტონომიური რესპუბლიკის მთავრობის თავმჯდომარედ, საქართველოს საგანგებო და სრულუფლებიანი ელჩის აზერბაიჯანის რესპუბლიკაში ზურაბ პატარაძის კანდიდატურა წარადგინა
ზურაბ პატარიძე 1994-1996წწ. მუშაობდა ქ. ბათუმის საბანკო სტრუქტურებში;
1996-2000წწ. აჭარის ავტონომიური რესპუბლიკის შინაგან საქმეთა სამინისტროს ცენტრალური აპარატში; საქართველოს საგარეო საქმეთა სამინისტროს საგარეო პოლიტიკის კვლევისა და ანალიზის ცენტრში (2000); 2000-2004წწ. საქართველოს საგარეო საქმეთა სამინისტროს საკონსულო დეპარტამენტში;
2004-2007წწ. რუსეთის ფედერაციაში საქართველოს საელჩოს საკონსულო სამსახურის ხელმძღვანელი;
2007-2009წწ. რუსეთის ფედერაციაში საქართველოს საელჩოს კონსული;
2009 წლის 4 მარტიდან - 1 მაისამდე, რუსეთის ფედერაციაში შვეიცარიის კონფედერაციის საელჩოს საქართველოს ინტერესების სექციის კონსული;
2009-2010წწ. საქართველოს გენერალური კონსული ქ. სალონიკში; საქართველოს საგარეო საქმეთა სამინისტროს საგანგებო დავალებათა ელჩი (2011); 2011-2012წწ. საქართველოს გენერალური კონსული თურქეთის რესპუბლიკაში (ქ. სტამბოლი);
2012-2013წწ. საქართველოს საგანგებო და სრულუფლებიანი ელჩი თურქეთის რესპუბლიკაში;
2013-2016წწ. საქართველოს საგანგებო და სრულუფლებიანი ელჩი ყაზახეთის რესპუბლიკაში;
2016 წლის 15 ივლისიდან - 2018 წლის 21 ივლისამდე, აჭარის ავტონომიური რესპუბლიკის მთავრობის თავმჯდომარე;
2018 წლის 29 აგვისტოდან, საქართველოს საგანგებო და სრულუფლებიანი ელჩი აზერბაიჯანის რესპუბლიკაში. 2012 წელს მინიჭებული აქვს საგანგებო და სრულუფლებიანი ელჩის დიპლომატიური რანგი.
