დღეს 2 აპრილს, მსოფლიოში აუტიზმის შესახებ ცნობადობის ამაღლების საერთაშორისო დღე აღინიშნება.
ამ თარიღთან დაკავშირებით, წყალტუბოს მუნიციპალიტეტის მერის მოადგილემ გია კვასტიანმა, ჯანმრთელობისა და სოციალური დაცვის სამსახურის უფროსმა ნათია ჩაკვეტაძემ, საკრებულოს ჯანდაცვის კომიტეტის თავმჯდომარემ შალვა კილაძემ და მერის ახალგაზრდული საბჭოს წევრებმა წყალტუბოს ბავშვთა ინკლუზიურ ცენტრის ბენეფიციარები მოინახულეს.
თვითმმართველობის წარმომადგენლებმა ცენტრში აუტისტური სპექტრის ბავშვებისთვის გათვალისწინებული სათამაშოები მიიტანეს. ამჟამად დაწესებულებაში აუტიზმის სპექტრით ორი ბავშვი სწავლობს, როგორც ინკლუზიური ცენტრი დირექტორი ნინო ნემსწვერიძე განმარტავს, ცენტრში 17 შშმ. ბავშვი სრულფასოვანი ცხოვრებისთვის საჭირო სხვადასხვა უნარებს ეუფლება, ხდება მათი ინტერესების გამოკვეთა და განვითარება. აუტიზმის შესახებ ინფორმაციის გავრცელების მსოფლიო დღე 2007 წლიდან აღინიშნება. აუტიზმის მსოფლიო დღის აღნიშვნის მიზანია, გაზარდოს საზოგადოების ცნობიერების დონე აუტიზმთან დაკავშირებით, ასევე ხელი შეუწყოს აუტიზმის მქონე ადამიანების ფუნდამენტური უფლებების დაცვასა და რეალიზაციას.
