ადგილობრივების თქმით, სეტყვა დაახლოებით 20 წუთის განმავლობაში გრძელდებოდა. სტიქიამ ახმეტის სამი სოფლის - მაღრაანის, ფიჩხივანისა და არგოხის მოსახლეობა დააზარალა.
მოგლეჯილია ხეები, დასეტყვილია საკარმიდამო ნაკვეთები და დაზიანებულია საცხოვრებელი სახლები.
სეტყვამ დააზარალა თელავის მუნიციპალიტეტის სოფლებიც - ართანა, სანიორე, ფშაველი და ნაფარეული, სადაც საკარმიდამო ნაკვეთების უმეტესობა თითქმის სრულად განადგურებულია.
სტიქიის შედეგად მიყენებული ზარალის შესახებ ინფორმაცია მოგბიანებით იქნება ცნობილი.
