შპს „საქართველოს მელიორაცია“ აჭყვას მასივს აწესრიგებს.
სამუშაოების ფარგლებში, ქობულეთის მუნიციპალიტეტში ხე-ბუჩქნარისა და ნატანი მასისგან 4 კილომეტრამდე სიგრძის კოლექტორული და შემკრები არხები იწმინდება.
ჩატარებული სამუშაოები არხებში წყლის შეუფერხებლად გადინებას უზრუნველყოფს, შედეგად, 30 ჰექტარ სასოფლო-სამეურნეო დანიშნულების მიწის ფართობზე სადრენაჟე მომსახურება აღდგება.
მიმდინარე სამუშაოები აგვისტოს ბოლოს დასრულდება.
