ა(ა)იპ „ხულოს საბავშვო ბაღების გაერთიანების“ დირექტორის თანამდებობაზე ხულოს მუნიციპალიტეტის მერის მოვალეობის შემსრულებლის ბრძანებით გურამ ხოზრევანიძე დაინიშნა. დღეს მერის მოვალეობის შემსრულებელმა ვახტანგ ბერიძემ ახლადდანიშნული დირექტორი ა(ა)იპ-ის თანამშრომლებს ოფიციალურად წარუდგინა.
გურამ ხოზრევანიძე დაიბადა 1956 წლის 9 ოქტომბერს ხულოს მუნიციპალიტეტის სოფელ რიყეთში;
1974 წელს დაამთავრა სოფელ რიყეთის საშუალო სკოლა;
1978-1983 წლებში სწავლობდა ქ. ბათუმის შოთა რუსთაველის სახელობის სახელმწიფო უნივერსიტეტში ფილოლოგიის სპეციალობით. მიენიჭა მაგისტრის აკადემიური ხარისხი;
1979-1985 წლებში მუშაობდა სოფელ დიოკნისის საშუალო სკოლის რუსული ენისა და ლიტერატურის მასწავლებლად:
1985-1990 წლებში იყო სოფელ ბოძაურის საშუალო სკოლის დირექტორი და რუსული ენისა და ლიტერატურის მასწავლებელი;
1991-2007 წლებში მუშაობდა სოფელ რიყეთის საშუალო სკოლის რუსული ენისა და ლიტერატურის მასწავლებლად;
1993-1998 წლებში იყო სოფელ რიყეთის საშუალო სკოლის დირექტორის მოადგილე სასწავლო-აღმზრდელობით დარგში;
2007-2009 წლებში მუშაობდა შპს „SADA INTERNATIONAL”-ში რუსული ენისა და ლიტერატურის მასწავლებლად;
2008-2010 წლებში იყო ფონდ „ბარაქას“ თარჯიმანი, დისტრიბუტორი;
2010-2011 წლებში მუშაობდა ქ. ბათუმის ვახუშტი ბაგრატიონის სახელობის მრავალდარგოვანი ინსტიტუტის რუსული ენისა და ლიტერატურის მასწავლებლად;
2013 წლის 02.04-05.09 პერიოდში იყო ხულოს მუნიციპალიტეტის გამგებელი;
2015-2018 წლებში მუშაობდა აჭარის ხალხური ხელოვნების სკოლის დირექტორად;
ფლობს რუსულ და გერმანულ ენებს;
ჰყავს მეუღლე და ხუთი შვილი.
