„26 მაისს ჩვენი ქვეყნის დამოუკიდებლობის დღე ვიზეიმეთ და მინდა, ჩვენს თანამოქალაქეებს მივულოცო დღე, რომელიც საქართველოს ისტორიაში საეტაპო მნიშვნელობისაა, დღე, რომელიც გახლავთ თანამედროვე ქართული სახელმწიფოს ქვაკუთხედი და საძირკველი“, - განაცხადა საპარლამენტო უმრავლესობის წევრმა თორნიკე ფაღავამ პარლამენტის პლენარულ სხდომაზე.
მისი თქმით, სამიათასწლოვანი სახელმწიფოებრიობის ისტორია საფუძველს იძლევა ითქვას, რომ საქართველო, ეს არის იდეა, მარადიული იდეა, თავისუფლებისა - საქართველო იდგა, საქართველო დგას და იდგება მუდამ ცივილიზებულ ერებს შორის.
„რამდენიმე დღეა საქართველოს ხელისუფლება და ქართველი ხალხი მსოფლიოს წამყვანი სახელმწიფოების ლიდერებისგან იღებს დამოუკიდებლობის დღისადმი მიძღვნილ მილოცვებს. მათ შორის არის დასავლური სამყაროს ლიდერი სახელმწიფოს პრეზიდენტი, დონალდ ტრამპი, რომელიც თავის მილოცვაში საქართველოსთან ურთიერთობების განახლების და მეტად გაღრმავების სურვილს გამოთქვამს“, - აღნიშნა თორნიკე ფაღავამ.
არანაირი მხარდაჭერა არც არჩევნებზე და არც ქუჩაში. ყოველ ჯერზე მათი ნებისმიერი მცდელობა შეცდომაში შეიყვანონ საქართველოს მოქალაქე, კრახით სრულდება. ამის მაგალითი იყო გუშინდელი დღეც. აქვე ვეტყვი ჩვენს ე.წ ოპოზიციის წარმომადგენლებს - დიახ, საქართველო ნამდვილად იმსახურებს უკეთესს, ოღონდ უკეთეს ოპოზიციას. თქვენ არ შეიძლება იწოდებოდეთ „ქართული ოცნების“ ოპოზიციად, თქვენ ხართ ამ სახელმწიფოს ოპოზიცია და ყოველდღიურ რეჟიმში აზიანებთ სახელმწიფოს ინტერესებს და აზიანებდით მაშინაც როდესაც იყავით ხელისუფლებაში.
ხელისუფლება კი როგორც ქვეყნის შიგნით, ისევე ქვეყნის გარეთ მოქმედებს და იმოქმედებს მხოლოდ ქართველი ხალხის საუკეთესო ინტერესებიდან გამომდინარე, ვინაიდან სწორედ ეს არის უზენაესი ღირებულება და სწორედ ეს ფუნდამენტური არჩევანი გააკეთა ჩვენმა საზოგადოებამ 2012 წელს, მაშინ, როცა „ქართულმა ოცნებამ“ მისი დამფუძნებლის, ბიძინა ივანიშვილის ხელმძღვანელობით და პირდაპირ შეიძლება ითქვას, თავგანწირვით, ხელისუფლებიდან არჩევნების გზით, გაისტუმრა თავისი შინაარსით, ყველაზე ანტიდასავლური პოლიტიკური ძალა.
ამის შემდეგ, წლების განმავლობაში, განსაკუთრებით 2022 წლიდან, უკრაინაში ომის დაწყების დღიდან დაუსრულებლად გრძელდებოდა საქართველოს წინააღმდეგ მიმართული პოლიტიკა. ხელისუფლება ხშირად უწევდა ძალიან მძიმე ზეწოლასთან გამკლავება, თუმცა ჩვენი ერთადერთი მიზანი იყო, არის და იქნება მშვიდობის შენარჩუნება, ქვეყნის განვითარება, უკეთესი და უსაფრთხო მომავლისთვის შენება“, - განაცხადა თორნიკე ფაღავამ.
