მსოფლიო სავალუტო ფონდის (IMF) მორიგი შეფასების მართლაც გასაოცარი შედეგები დასტურია იმის, რატომ უნდა მიჰყვე შენს ეროვნულ ინტერესებს და არა სხვის კარნახს, – ამის შესახებ საქართველოს პარლამენტის თავმჯდომარე, შალვა პაპუაშვილი სოციალურ ქსელში წერს.
„ამ სიხარულზე მეტი, ალბათ, ის ბრაზია, როდესაც აცნობიერებ, რომ ორი ამდენის მიღწევას შევძლებდით, რომ არა გარედან საქართველოს დაზიანების მუდმივი მცდელობები; რომ არა დონორების ნაკვები სიძულვილი და ექსტრემიზმი; რომ არა „ენჯეოების“ მიერ საქართველოს რუსეთთან ესკალაციაში ჩათრევის მცდელობები; რომ არა გარე ინტერესებით მოქმედი შინაურები და სხვის დროშას ჩამოკიდებული უსამშობლოები“, – წერს პაპუაშვილი.
საერთაშორისო სავალუტო ფონდმა გამოაქვეყნა დასკვნა, სადაც ნათქვამია: „საქართველომ შესანიშნავი მდგრადობა გამოავლინა გაზრდილი შიდა და გეოპოლიტიკური გაურკვევლობის ფონზე ძლიერი ზრდით, მიზნობრივ დონესთან ახლოს არსებული ინფლაციით და ვალის ზომიერი დონით“.
