„სამწუხაროდ, ჩვენთვის ყველაზე მნიშვნელოვანი და ყველაზე საყვარელი ჩვენი ქვეყანა არის, ქართველები ვართ ასეთები, რომ სამყაროს ცენტრი არის ჩვენთვის საქართველო და გვგონია, მთელი მსოფლიო პოლიტიკა ჩვენი ქვეყნის გარშემო ტრიალებს და ასე არ არის“- ამის შესახებ ყოფილმა სახალხო დამცველმა, პლატფორმის - „საქართველოს ევროპული ორბიტა“ დამფუძნებელმა, ნინო ლომჯარიამ გადაცემაში "პოლიტ-ქალაქი" განაცხადა.
„ევროკავშირი და დასავლეთი არ არის რუსეთი. არსებითი განსხვავებაა, შენ თუ მასთან არ გინდა, ევროკავშირი არ მოვა და არ დაგიპყრობს, არც შეგეხვეწება. ახლა რაღაც დოზით გვეხვეწებიან. ვაღიაროთ, ახლა არაორდინარულ ვითარებაში ვართ. ასეთი არ ყოფილა. სწორედ ამიტომ მწყდება გული, ასე არ იქცევა ევროკავშირი. მაგრამ თუ ეს ასე გაგრძელდა, ევროკავშირი... სამწუხაროდ, ჩვენთვის ყველაზე მნიშვნელოვანი და ყველაზე საყვარელი ჩვენი ქვეყანა არის, მაგრამ, ხშირად ვფიქრობთ, ქართველები ვართ ასეთები, რომ სამყაროს ცენტრი არის ჩვენთვის საქართველო და გვგონია, მთელი მსოფლიო პოლიტიკა ჩვენი ქვეყნის გარშემო ტრიალებს და ასე არ არის. შესაძლებელია ისე შეიცვალოს ვითარება, რომ... ამერიკის შეერთებულ შტატებსაც ასეთი პოლიტიკა აქვს, იმ ქვეყნებშიც კი სადაც იომა, სადაც ასობით მილიარდი დახარჯა, როცა ხედავს, რომ იქ არ უნდათ მათი ყოფნა, გადიან უბრალოდ და შესაბამისად, მათი პოლიტიკა არ არის ის, რომ ძალით მოგახვიონ თავს მათი მხარდაჭერა, დახმარება და მათი გვერდში დგომა. მას ასეთი პოლიტიკა აქვს მსოფლიოში. ამერიკა არის დემოკრატიის, როგორც მმართველობის ფორმის გამავრცელებელი და დემოკრატიული ღირებულებების მხარდამჭერი და მით უმეტეს, განსაკუთრებით რუსეთის აგრესიის შემდეგ უკრაინაში, მას აქვს პოლიტიკა, რომ ის, ვინც მხარს უჭერს რუსულ აგრესიას, აფინანსებს მას, მთელი მსოფლიოს მასშტაბით ადამიანის უფლებების უხეშ დარღვევაში არის ჩართული, ის ასანქცირებს“, - განაცხადა ნინო ლომჯარიამ.
