აშშ-ის სახელმწიფო მდივანი მარკო რუბიო ევროკომისიის მიერ სოციალურ ქსელ X-ის დაჯარიმებას ამერიკელ ხალხზე თავდასხმას უწოდებს.
„ევროკომისიის 140 მილიონი დოლარის ოდენობის ჯარიმა არ არის მხოლოდ X-ზე თავდასხმა, ეს არის უცხო ქვეყნების მთავრობების მიერ ყველა ამერიკულ ტექნოლოგიურ პლატფორმასა და ამერიკელ ხალხზე თავდასხმა. ამერიკელების ონლაინ ცენზურის დღეები დასრულდა“, – აღნიშნულია მარკო რუბიოს განცხადებაში, რომელიც სოციალურ ქსელში გამოქვეყნდა.
ევროკომისიამ სოციალური პლატფორმა „იქსი“ ციფრული სერვისების აქტის დარღვევისთვის 120 მილიონი ევროთი დააჯარიმა.
The European Commission’s $140 million fine isn’t just an attack on @X, it’s an attack on all American tech platforms and the American people by foreign governments.
— Secretary Marco Rubio (@SecRubio) December 5, 2025
The days of censoring Americans online are over.
