დღეს, 22 სექტემბერს "ავტომობილის გარეშე" საერთაშორისო დღე აღნიშნება, რომელიც 2000 წელს ევროკომისიის მიერ დაარსდა და აქტიურად აღინიშნება ევროპასა და მსოფლიოს სხვადასხვა ქვეყნებში.

განახლებულ პეკინის ქუჩაზე ამ წუთებში ველორბოლა დაიწყება, სადაც მონაწილეობას იღებს "ქართული ოცნების" თბილისის მერობის კანდიდატი კახა კალაძე, 

მისი თქმით, ჯანსაღი ცხოვრების წესის დანერგვას პირადად გაუწევს პოპულარიზაციას. 

"ველოსიპედი არის ჯანსაღი ცხოვრების წესის ერთ-ერთი მიმართულება, ეს აუცილებლად უნდა დავნერგოთ, რათა დედაქალაქში ველოსიპედით გადაადგილება იყოს საჭირო. ამისთვის ინფრასტრუქტურა უნდა მოეწყოს, ქალაქის ადაპტირებაა საჭირო.
 
დღეს ჩემთვის ყველაზე მნიშვნელოვანია, რას გავაკეთებთ 21 ოქტომბრის მერე. მოსახლეობას აინტერესებს, თუ რა პროექტები განხორციელდება შემდეგი 4 წლის განმავლობაში. ეს არის ყველაზე საინტერესო და არა ის, რომ ვინ, სად წავა და რა მიმართულებით განახორციელებს სამუშაოებს. 

ჩვენ წარმოგიდგენთ გეგმას, სად გაკეთდება ველობილიკები, ამის პოტენციალი ჩვენ ქალაქს გააჩნია, ეს იქნება არა მხოლოდ დედაქალაქის ცენტრალურ ქუჩებზე, არამენდ ამის გაკეთბა სკვერებშიც არის შესაძლებელი. მე მგონია, რომ ჩვენ ძალიან მალე ამას პოპულარიზაციას გავუწევ.  პირდად მეც ვარ დაინტერესებული ჯანსაღი ცხოვრების წესის დანერგვის, არა მხოლოდ ახლაგაზრებისთვის, არამედ ყველა თაობის ადამიანებისთვის. ეს ჩვენი ერთ-ერთი მიმართულება იქნება", - აღნიშნა კახა კალაძემ.