ყველაზე საინტერესო იყო თვითონ ვაშაძის რეაქცია, ძალიან ისტერიული იყო მისი რეაქცია. თვითონ გამოამჟღავნა ამ ისტერიულობით, რომ რაღაცაშია საქმე, - ამის შესახებ „ქართული ოცნების“ თავმჯდომარე ირაკლი კობახიძემ ე.წ. ქოლცენტრების საქმესთან დაკავშირებით გადაცემაში „იმედი LIVE“ განაცხადა.
„ეს გამოძიებამ უნდა დაადგინოს. მოცემულობა ასეთია - თბილისში არის მილიონი ოფისი, რაც შეიძლება იქირაო, მაგრამ „დამთხვევაა“, რომ ვაშაძის ძმისგან არახამიას ძმა ქირაობს საოფისე ფართს... ბევრი დამთხვევა იყო - გახსოვთ მაგალითად, ამერიკაში სააკაშვილის და გახარიას ერთ სასტუმროში ყოფნა, ოპოზიციას ემართება ხშირად ასეთი დამთხვევები, დამთხვეული ხალხია და არაა გასაკვირი მათგან“, - განაცახა ირაკლი კობახიძემ, რომელიც გამოეხმაურა გიორგი გახარიას განცხადებას, რომელმაც თქვა, რომ რიგითი ევროპელის თვალში, ქართველები თაღლითები არიან.
„ცდილობენ, რომ ქვეყანაზე განაზოგადონ ეს [ე.წ. ქოლცენტრების] პრობლემა, რომელიც კეზერაშვილმა შექმნა; როცა გინდა, რომ კეზერაშვილამდე დაყვანილი პრობლემა აიყვანო საქართველომდე და საქართველოს მოსახლეობამდე, ეს არის უბრალოდ სამარცხვინო. გახარიამ გააკეთა განცხადება, რომ საქართველოს იცნობენ, როგორც თაღლითების ქვეყანასო. სინამდვილეში თაღლითების პარტია არის კეზერაშვილის პარტია და გახარიას პარტია და ნუ განაზოგადებენ ამას საქართველოს მოსახლეობაზე. ეს არის ქართველი ხალხის შეურაცხყოფა. თაღლითები ეძებონ საკუთარი პოლიტიკური პარტიებისკენ.
თავისთავად, ძალიან მნიშვნელოვანია, რომ საქართველოს პროკურატურამ გერმანელ კოლეგებთან ერთად სათანადოდ გამოიძია ეს დანაშაული. ეს არ არის გასაშიფრად მარტივი სქემა, მთავარია, რომ სათანადო რეაგირება ჰქონდათ სამართალდამცველებს. სწორედ იმის გამო, რომ პირნათლად მოქმედებენ საქართველოს ხელისუფლება და სამართალდამცველი ორგანოები, მიიღეს მადლობის სიტყვები ჩვენმა სამართალდამცველებმა ევროპელი კოლეგებისგან. არაერთი პრობლემა შეუქმნიათ ამ თაღლითებს, კეზერაშვილებს და სხვებს და ესეც მორიგი მძიმე დანაშაულია, რომელიც აკადრეს საკუთარ ქვეყანას და მოსახლეობას, თუმცა, მთავარია რომ სახელმწიფომ მოახდინა სწრაფი და სათანადო რეაგირება ამ დანაშაულზე“, - განაცხადა ირაკლი კობახიძემ.
