"ძლიერი საქართველოს" წევრის, გრიგოლ გეგელიას განცხადებით, ამერიკის შეერთებულ შტატებში "ფარა" ნაცისტური გერმანიის წინააღმდეგ იყო მიღებული და მას თანამედროვეობასთან კავშირი არ აქვს, გარდა ამისა, მისივე თქმით, დღეს ამერიკაში "ფარას" ფუნდამენტური გადახედვა მიმდინარეობს.
"ამერიკის შეერთებულ შტატებში "ფარა" თავიდანვე იყო მიღებული ნაცისტური რეჟიმისა და სხვა მაშინდელი გამოწვევების წინააღმდეგ, ამიტომ ამას თანამედროვეობასთან და "ქართული ოცნების" სურვილთან, "ფარა" წარმოაჩინოს როგორც ამერიკული, ამას არავითარი კავშირი არ გააჩნია.
მეორე, ვხედავთ, რომ ამერიკის შეერთებულ შტატებშიც კი ხდება "ფარას" ფუნდამენტური გადახედვა და მთელი არქიტექტურული ცვლილება", - განაცხადა გრიგოლ გეგელიამ.
