ტელეკომპანია „იმედის“ დაკვეთით, კომპანია GORBI-მ ქვეყნის მასშტაბით საზოგადოებრივი აზრის კვლევა ჩაატარა.
კითხვაზე, რუსთავის მერის არჩევნები ამ კვირას რომ ტარდებოდეს, ვის მისცემდით ხმას შემდეგი კანდიდატებიდან, პასუხები ასე გადანაწილდა:
„ქართული ოცნების“ კანდიდატ ნინო ლაცაბიძეს ხმას აძლევს გამოკითხული მოქალაქეების 83,8 %.
„გახარიას პარტიიდან“ თამარ კეკენაძეს - 16,2 %.
გამოკითხვა ჩატარდა პირისპირ ინტერვიუს მეთოდით, 6-25 სექტემბრის პერიოდში, როგორც ქვეყნის მასშტაბით, ასევე თბილისში, ქუთაისში, ბათუმში, რუსთავში, ზუგდიდში, ხაშურსა და თელავში. ქვეყნის მასშტაბით გამოიკითხა 2000 რესპონდენტი, დამატებით თბილისში გამოიკითხა 920 რესპონდენტი, ხოლო დანარჩენ ქალაქებში 500-500 რესპონდენტი. მონაცემები წარმოდგენილია სავარაუდო ამომრჩევლის ჭრილში. ცდომილების ზღვარი ქვეყნის მასშტაბით +/- 3 პროცენტია, ხოლო ქალაქების მასშტაბით +/- 5 პროცენტი.
