„თუ ტრამპმა რუსეთ-უკრაინის ომის დასრულება ვერ შეძლო, მესამე მსოფლიო ომი გარდაუვალი იქნება“, - წერს სოციალურ ქსელში „ხალხის ძალის“ გენერალური მდივანი, დიმიტრი ხუნდაძე.
მისი თქმით, საქართველომ, ამ ურთულეს მსოფლიოში, მკვეთრი მოძრაობებისგან თავი უნდა შეიკავოს და სიმპტომური პოლიტიკით დაიცვას თავი.
„ფაქტობრივად, თანაბარი შანსებია ომისა და მშვიდობის. ორივე შემთხვევაში, ყველაზე მძიმე ბედი ევროპას ექნება.
პუტინი ისეთ მშვიდობას არ დათანხმდება, როგორიც ევროკავშირს სურს. რუსეთისთვის მისაღები მშვიდობის შემთხვევაში კი, ადრე თუ გვიან, ევროკავშირი დაიშლება, რაც შესაძლოა ამერიკის ადმინისტრაციამ არც კი გააპროტესტოს.
შეუთანხმებლობის და მესამე მსოფლიო ომის სცენარის განვითარების შემთხვევაში, ბრძოლის ველის ეპიცენტრი, დიდი ალბათობით, ევროპა გახდება, ზიანი კი მთელს მსოფლიოს შეეხება.
საქართველომ, ამ ურთულეს მსოფლიოში, მკვეთრი მოძრაობებისგან თავი უნდა შეიკავოს და სიმპტომური პოლიტიკით დაიცვას თავი, შეინარჩუნოს მშვიდობა და ყველა შესაძლო სცენარისთვის იყოს მზად...“, - წერს დიმიტრი ხუნდაძე.
