"გახარიას პარტიას, სხვებისგან განსხვავებით კი არ შეუწყდა, არამედ შეუჩერდა დაფინანსება. ასევე, ჩვენგან განსხვავებით მას სია არ "ჩაუხსნია," არამედ შემდეგ 12 წევრს შეუძლია ნებისმიერ დროს შევიდეს პარლამენტში. საინტერესო საფიქრალი ამბავია".
ამის შესახებ პარტია მოძრაობა "ხალხისათვის" ლიდერი ანა დოლიძე სოციალურ ქსელში წერს.
დღეს, პარლამენტის პლენარულ სხდომაზე პარტია "გახარია საქართველოსთვის" 12 წევრს სადეპუტატო უფლებამოსილება შეუწყვიტეს. ფაქტს საქართველოს ყოფილი პრემიერმინისტრი და "გახარია საქართველოსთვის" ლიდერი გიორგი გახარია სოციალურ ქსელ X-ზე გამოეხმაურა.
დღეს, ერთპარტიული რეჟიმის სახით მოქმედმა „ქართულმა ოცნებამ“ ერთხმად მისცა ხმა პარტია „საქართველოსთვის“-ს კუთვნილი ყველა 12 მანდატის გაუქმებას.
პოლიტიკური ბოიკოტი კონსტიტუციური უფლებაა, რომელიც ჩვენ პასუხისმგებლობით გამოვიყენეთ 2024 წლის გაყალბებული არჩევნების შემდეგ, უარი ვთქვით ხელში ჩაგდებული საკანონმდებლო ორგანოში შესვლაზე, მაგრამ არ ვთქვით უარი ჩვენი ხალხის მანდატზე.
ჩვენი მანდატების ჩამორთმევა არასდროს ყოფილა პროცედურასთან დაკავშირებული, ეს იყო პოლიტიკურად მოტივირებული სისხლისსამართლებრივი დევნისთვის გზის გასუფთავება, შეთითხნილი ბრალდებების იმუნიტეტის გაუქმება და მუნიციპალური არჩევნების წინ სერიოზული პოლიტიკური საფრთხის აღმოფხვრა.
ჩვენ ეს ადრეც გვინახავს, კრემლის სახელმძღვანელოდან ამოღებული ფურცელი: იმუნიტეტის მოხსნა, სისხლის სამართლის ბრალდებების გამოგონება და პოლიტიკური ალტერნატივების აღმოფხვრა.
" - წერს გიორგი გახარია.
