2003-2012 წლებში პოლიტიკური თანამდებობის პირების კორუფციული გარიგებებისა და პირთა საკუთრების უფლებების შელახვასთან დაკავშირებულ ფაქტებზე პარლამენტის დროებითი საგამოძიებო კომისია ხვალ იმსჯელებს.
"15 აპრილს, 10:00 საათზე, კონსტიტუციის დარბაზში გაიმართება საქართველოს პარლამენტის დროებითი საგამოძიებო კომისიის მორიგი სხდომა.
სხდომაზე განსახილველი საკითხია: 2003-2012 წლებში პოლიტიკური თანამდებობის პირების კორუფციული გარიგებები და პირთა საკუთრების უფლებების შელახვასთან დაკავშირებული ფაქტები.
სხდომაზე მოწვეულნი არიან ბატონები - ჯონდო ბაღათურია და ჯუმბერ ბუზალაძე"- ნათქვამია საქართველოს პარლამენტის მიერ გავრცელებულ ინფორმაციაში.
