სომხეთის ცენტრალურმა საარჩევნო კომისიამ ყოფილ პრეზიდენტს, რობერტ ქოჩარიანს, საპარლამენტო იმუნიტეტი მოუხსნა. ქოჩარიანი ოპოზიციურ საარჩევნო ბლოკ "სომხეთს" ხელმძღვანელობს.
შედეგად, გენერალურ პროკურატურას ახლა შეუძლია მის წინააღმდეგ სისხლის სამართლის საქმის აღძვრა. კომისიამ სხდომა დახურულ კარს მიღმა გამართა და ჟურნალისტებს დისკუსიაზე დასწრების უფლება არ მისცა.
გენერალურ პროკურატურას ჯერ არ გაუხმაურებია, თუ რა ბრალდებებს წაუყენებს კოჩარიანს. მისი ადვოკატის, არამ ორბელიანის თქმით, პროკურორები ყოფილ პრეზიდენტს თანამდებობის ბოროტად გამოყენებასა და ფულის გათეთრებაში ადანაშაულებენ.
ცესკოს გადაწყვეტილების გამოცხადებამდე ორბელიანმა შენობა დატოვა და ჟურნალისტებს ბრალდებების არსი აუხსნა. პროკურორების მიერ წარდგენილი დოკუმენტების თანახმად, საქმე ეხება სომხეთის მთავრობის მიერ 2004 წელს ხელმოწერილ შეთანხმებას.
თუმცა, ადვოკატის თქმით, არც ყოფილ პრეზიდენტს და არც მისი ოჯახის რომელიმე წევრს არანაირი კავშირი არ ჰქონდათ ამ გარიგებასთან.
