ბრიუსელში, ევროკავშირის გარემოს დაცვის მინისტრების შეხვედრაზე უჩვეულო და თბილი კადრები დააფიქსირეს: შვედეთის კლიმატის მინისტრი სხდომათა დარბაზში თავის 3 თვის შვილთან ერთად მივიდა.
მინისტრმა, რომელიც აქტიურად უჭერს მხარს სამუშაო გარემოსა და ოჯახური ცხოვრების ჰარმონიზაციას, გადაწყვეტილება იმით ახსნა, რომ არ სურდა დედობის გამო, საპასუხისმგებლო პოლიტიკური მოვალეობების შესრულებისთვის თავი აერიდებინა. მისი თქმით, ეს არის მაგალითი იმისა, რომ თანამედროვე სამყაროში ქალს შეუძლია, წარმატებით შეათავსოს კარიერა და დედობა.
სხდომაზე დამსწრე კოლეგებმა შვედი მინისტრის ამ ნაბიჯს მხარდაჭერა გამოუცხადეს. კადრებს, სადაც მინისტრი ბავშვით ხელში ევროპელ კოლეგებთან ერთად კლიმატურ საკითხებს განიხილავს, სოციალურ ქსელებში დიდი გამოხმაურება და დადებითი შეფასებები მოჰყვა.
მომხდარი კიდევ ერთხელ აქტუალურს ხდის დისკუსიას იმის შესახებ, თუ რამდენად ადაპტირებულია თანამედროვე პოლიტიკური დაწესებულებები მშობლების საჭიროებებისთვის და რამდენად მნიშვნელოვანია ინკლუზიური გარემოს შექმნა.
შვედეთი მოწინავე ქვეყანაა გენდერული თანასწორობისა და მშობლების მხარდაჭერის კუთხით, რაც, როგორც ჩანს, პოლიტიკურ კულტურაშიც მკაფიოდ აისახება.
