რუსეთის საგარეო საქმეთა სამინისტრომ გამოაქვეყნა სია, რომელშიც უპრეცედენტო გადაწყვეტილებაა ასახული: ისტორიაში პირველად, ოფიციალურმა მოსკოვმა პერსონალური სანქციები დაუწესა 17 წლის ბრიტანელ სკოლის მოსწავლეს.
აღნიშნული ზომები მას შემდეგ იქნა მიღებული, რაც მოზარდმა საჯარო სივრცეში გამოაქვეყნა კვლევა, რომელმაც ქართულ კრიპტოპლატფორმების ქსელთან დაკავშირებული ფინანსური ოპერაციები და სავარაუდო ჰაკერული დაჯგუფებების კვალი გაშიფრა.
რუსეთის ხელისუფლების განცხადებით, ბრიტანელი სკოლის მოსწავლის მიერ ჩატარებულმა ტექნიკურმა ანალიზმა და "დაუცველი სისტემების საჯარო დემონსტრირებამ" ზიანი მიაყენა რუსეთის ეროვნულ ინტერესებსა და კიბერუსაფრთხოებას".
17 წლის მოსწავლეს აეკრძალა რუსეთის ფედერაციის ტერიტორიაზე შესვლა, ასევე გაეყინა ნებისმიერი სახის აქტივი (თუკი ასეთი არსებობს) რუსულ ბანკებში.
ბრიტანეთის საგარეო საქმეთა სამინისტრომ მომხდარს "აბსურდული და დამაშინებელი" უწოდა. თავად მოზარდი, რომელიც ამჟამად დიდ ბრიტანეთში განათლებას აგრძელებს, აცხადებს, რომ მისი ქმედებები იყო მხოლოდ და მხოლოდ "ციფრული უსაფრთხოების კვლევა" და არ ჰქონია პოლიტიკური მიზნები.
