2020 წელს საფრანგეთის ეკონომიკა, როგორც პროგნოზირებს სტატისტიკის სააგენტო Insee, 9%-ით შემცირდება.
მეორე კვარტალში საფრანგეთის მშპ-მ რეკორდული ვარდნა აჩვენა საკარანტინო ზომების გამო, რომლებიც ხელისუფლებამ მარტის შუა რიცხვებიდან მაისის დასაწყისამდე კორონავირუსის ინფექციის გავრცელების შეზღუდვის მიზნით დააწესა. ამავდროულად, II კვარტალში საფრანგეთის მშპ-ს 13.8%-ით შემცირება მოსალოდნელზე ნაკლები აღმოჩნდა.
კომპანიის თქმით, შემზღუდავი ზომების შემსუბუქება საფრანგეთის ეკონომიკის შედარებით სწრაფ აღდგენას უზრუნველყოფს. აგვისტოს აქტივობის ტემპმა კარანტინის დროს მიყენებული ზიანი აუნაზღაურა 95%-ით, ხოლო წლის ბოლოს, კომპანიის მოლოდინის თანახმად, საფრანგეთის მშპ ანაზღაურებს ზარალს 96%-ით.
მეორე კვარტალში ეკონომიკური აქტივობა თითქმის 14%-ით შემცირდა წინა კვარტალთან შედარებით, მაგრამ შინამეურნეობების შემოსავლების შემცირება 2%-ზე მეტი იყო, რასაც დაეხმარა სხვადასხვა სუბსიდირების პროგრამები, ასევე დასაქმების პროგრამები.
დასაქმება საფრანგეთში სტაბილური იქნება წლის მეორე ნახევარში, მაგრამ უმუშევრობა მკვეთრად გაიზრდება, პროგნოზირებს Insee. წლის ბოლოს საფრანგეთში უმუშევრობამ შეიძლება მიაღწიოს 9.5%-ს
მესამე კვარტალში, Insee-ს პროგნოზით, საფრანგეთში ეკონომიკური აქტივობა 17%-ით აღდგება. ეკონომიკური ზრდა გაგრძელდება ამ პერიოდის შემდეგ წლის ბოლომდე, მაგრამ ნაკლებად სწრაფად, აცხადებს კომპანია.
