პრემიერ-მინისტრის ადმინისტრაციამ დაადასტურა, რომ მან უარყო ტრამპის მიწვევა და არ მიღებს მონაწილეობას „მშვიდობის საბჭოს“ დაფუძნებაში, - იუწყება ნორვეგიული გამოცემა Verdens Gang-ი.
ნორვეგია არ შეუერთდება დონალდ ტრამპის ამჟამინდელ მშვიდობის საბჭოს, დაადასტურა სახელმწიფო მდივანმა კრისტოფერ ტონერმა
ამერიკული წინადადება წარმოშობს რიგ საკითხებს, რომლებიც საჭიროებენ შემდგომ დიალოგს შეერთებულ შტატებთან. ამიტომ, ნორვეგია არ შეუერთდება მშვიდობის საბჭოს შექმნას და, შესაბამისად, არ მიიღებს მონაწილეობას დავოსში ხელმოწერის ცერემონიაში, წერს ტონერი ნორვეგიის საინფორმაციო სააგენტოსთვის გაგზავნილ ელექტრონულ წერილში. ის აგრძელებს:
„ნორვეგიისთვის უმნიშვნელოვანესია, თუ როგორ უკავშირდება ეს წინადადება არსებულ სტრუქტურებს, როგორიცაა გაერო, და ჩვენს ვალდებულებებს ამ სფეროში. ამავდროულად, ჩვენ ხაზგასმით აღვნიშნეთ, რომ ნორვეგია იზიარებს პრეზიდენტ ტრამპის მიზანს უკრაინასა და ღაზაში მდგრადი მშვიდობის დამყარების შესახებ. ნორვეგია გააგრძელებს მჭიდრო თანამშრომლობას შეერთებულ შტატებთან და სხვა პარტნიორებთან მშვიდობის მისაღწევად“.
ტრამპი საბჭოს დამფუძნებელ დოკუმენტს ხუთშაბათს, დილის 10:30 საათზე, დავოსში, მსოფლიო ეკონომიკურ ფორუმზე მოაწერს ხელს.
ნორვეგიას არ შეუძლია მონაწილეობა მიიღოს ტრამპის სამშვიდობო საბჭოში მისი ამჟამინდელი სახით, განაცხადა ნორვეგიის საგარეო საქმეთა მინისტრის მოადგილემ, ანდრეას მოტცფელდტ კრავიკმა, სამშაბათს, საგარეო საქმეთა სამინისტროში სიტყვით გამოსვლისას.
