ახლო აღმოსავლეთში ვიზიტის ფარგლებში, აშშ-ის სახელმწიფო მდივანი მარკო რუბიო შეხვდა ისრაელის პრემიერ-მინისტრ ბენიამინ ნეთანიაჰუს იერუსალიმში, რომელზედაც განიხილეს ღაზაში შეიარაღებული კონფლიქტის, ირანის და ლიბანში ცეცხლის შეწყვეტის საკითხები.
რუბიო ასევე შეხვდება ისრაელის პრეზიდენტ ისააკ ჰერცოგს.
შეხვედრის შემდეგ გამართულ ერთობლივ პრესკონფერენციაზე, აშშ-ის სახელმწიფო მდივანმა განაცხადა, რომ ის ეთანხმება ისრაელის პრემიერ-მინისტრ ბენიამინ ნეთანიაჰუს, რომ ირანი არის "არასტაბილურობის ერთადერთი მთავარი წყარო რეგიონში". მან ასევე დაადასტურა აშშ-ის პრინციპული პოზიცია ირანის მიერ ბირთვული იარაღის მოპოვების დაუშვებლობის შესახებ.
"ირანის გავლენა აშკარაა ყველაფერში, რაც დაკავშირებულია ტერორისტულ დაჯგუფებებთან, ძალადობის აქტებთან ან ნებისმიერ საქმიანობასთან, რომელიც დესტაბილიზაციას ახდენს ამ რეგიონში და საფრთხეს უქმნის მილიონობით ადგილობრივი მოსახლეობის მშვიდობასა და სტაბილურობას. ის აქ არასტაბილურობის მთავარი და უდიდესი წყაროა", - ხაზგასმით აღნიშნა რუბიომ.
