ღამით ლვოვზე რუსეთის სარაკეტო თავდასხმას, სულ მცირე, შვიდი ადამიანი ემსხვერპლა, მათ შორის, სამი ბავშვია, 64 კი დაშავდა. ამის შესახებ ნათქვამია ლვოვის მერის, ანდრეი სადოვოისა და ლვოვის რეგიონალური სამხედრო ადმინისტრაციის უფროსის, მაქსიმ კოზიცკის Telegram-ის შეტყობინებებში.
სადოვიმ განმარტა, რომ "დაღუპული 50 წლისაა, იგი მუშაობდა მედდა-ბებიაქალად ქალაქ ლვოვის მე-5 კლინიკაში". დაღუპულის შესახებ ინფორმაცია გამოქვეყნების მომენტში ზუსტდებოდა. მანამდე, სადოვიმ Telegram-ზე დაწერა, რომ ქალაქს თავს დაესხნენ "შაჰედის" უპილოტო საფრენი აპარატები და "კინჟალის" რაკეტები.
ლვოვზე რუსული სარაკეტო თავდასხმის დაშავებულთა შორის ხუთი ბავშვია, ასევე 30 ზრდასრული. ისინი საავადმყოფოებში გადაიყვანეს, თქვა სადოვიმ. ხუთი პაციენტის მდგომარეობა მძიმეა, რაც მისი პოსტიდან ირკვევა.
მანამდე, ადგილობრივი დროით დაახლოებით 05:40 საათზე, უკრაინის შეიარაღებული ძალების საჰაერო ძალებმა ლვოვის რეგიონის მიმართულებით "საკრუიზო რაკეტების ორი ჯგუფის" შესახებ გაფრთხილება გაავრცელეს. როგორც უკრაინული ონლაინ გამოცემა წერს, დაახლოებით 05:50 საათზე ლვოვში ორი ძლიერი აფეთქება მოხდა.
მაქსიმ კოზიცკის თქმით, ლვოვში რუსული დაბომბვის შედეგად საცხოვრებელი კორპუსებიც დაზიანდა.
იმავდროულად, უკრზალიზნიცის სარკინიგზო კომპანიის პრესსამსახური იტყობინება, რომ ლვოვის რაიონში, 4 სექტემბერს რუსეთის თავდასხმის შედეგად, რკინიგზაზე გათიშვა მოხდა. ტრანსპორტირების უზრუნველსაყოფად, სარეზერვო დიზელის ლოკომოტივები გაიყვანეს.
