რუსეთის პრეზიდენტის ადმინისტრაცია არ გამორიცხავს, რომ რუსეთის, უკრაინისა და ამერიკის შეერთებული შტატების სამმხრივი მოლაპარაკებები უკრაინის კონფლიქტის დასრულების შესახებ, შესაძლოა, უახლოეს მომავალში, კერძოდ, ოქტომბერში შედგეს.
რუსული სააგენტოების ცნობით, კრემლის პრესსპიკერმა დიმიტრი პესკოვმა ჟურნალისტებს განუცხადა, რომ მოსკოვი ასეთ შესაძლებლობას არ გამორიცხავს.
"ჩვენ არ გამოვრიცხავთ ასეთ შესაძლებლობას. საუბარია ხილულ მომავალზე, თუმცა გადასაწყვეტი ჯერ კიდევ ბევრი საკითხია", — განაცხადა დიმიტრი პესკოვმა.
ვაშინგტონი ცდილობს, შეაჩეროს წლების განმავლობაში გაჭიანურებული კონფლიქტი და გაააქტიუროს სამშვიდობო ძალისხმევა. ამ მიზნით, ამერიკელი მომლაპარაკებლები როგორც კიევს, ისე მოსკოვს სტუმრობდნენ, აშშ-ის პრეზიდენტმა დონალდ ტრამპმა კი ვლადიმერ პუტინთან და ვოლოდიმირ ზელენსკისთან სატელეფონო საუბრებიც გამართა.
კრემლის საგარეო პოლიტიკური მრჩევლის, იური უშაკოვის თქმით, ამ დროისთვის მაინც არ არსებობს შეთანხმებული "საკოორდინაციო პაკეტი", რომელიც მოლაპარაკებების საფუძველი გახდება. როგორც მოსკოვში აცხადებენ, მხარეებს შორის ტერიტორიულ და სხვა მნიშვნელოვან საკითხებზე კვლავ სერიოზული უთანხმოებები რჩება.
