რატომ უნდა გამოიყენოს ევროპამ ნატო საკუთარი მიზნებისთვის, – ამის შესახებ სტატიას „გარდიანი“ ავრცელებს.
სტატიის ავტორი პოლ ტეილორი აღნიშნავს, რომ ნატო-ს წლევანდელ სამიტზე, როგორც დიპლომატები ამბობენ, ნაცვლად ტრადიციული ყოვლისმომცველი კომუნიკესი, იქნება მოკლე განცხადება და „ვიდრე ლიდერები გაიხსნებენ მათ წარსულ დეკლარაციებს, არ იქნება მკაფიო ხსენება ნატო-ს დაპირების, რომ უკრაინა და საქართველო ერთ დღეს გახდებიან წევრები, რისი წინააღმდეგიცაა ტრამპი. ჯერ კიდევ გასულ წელს, აშშ ჯო ბაიდენის ხელმძღვანელობით ხელს აწერდა განცხადებებს, რომ უკრაინის გზა ნატო-სკენ „გარდაუვალია“. ტრამპმა ხელის მუხრუჭი ამოწია“, – ვკითხულობთ სტატიაში.
სტატიაში აღნიშნულია, რომ „ამ პირფერების ბალზე, არც ევროპელ მოკავშირეებს და არც უკრაინის პრეზიდენტ ვოლოდიმირ ზელენსკის, რომელიც სამიტის ფარგლებში, კულისებში უნდა გამოჩნდეს, შეჯახების სურვილი არ გააჩნიათ“.
სტატიის ავტორი ციტირებს ნატო-ს პირველ გენერალურ მდივან ჰასტინგს ისმაის და წერს, რომ ალიანსის მიზნებია „შეინარჩუნოს ამერიკა შიგნით, რუსეთი გარეთ და გერმანია ჩუმად“.
მისი თქმით, ევროპელი ლიდერები ცდილობენ მიაღწიონ ურთიერთგაგებას ტრამპთან, იმის თაობაზე, რომ ვიდრე ისინი ცდილობენ გააძლიერონ მათი შეიარაღებული ძალები და აღმოსავლეთ ფლანგზე მათი განთავსება, აშშ მოულოდნელად არ გაიყვანს კრიტიკულად მნიშვნელოვან ძალებს, იქამდე, ვიდრე ევროპა მზად იქნება პასუხისმგებლობის ასაღებად. რაც სტატიის ავტორის აზრით, საჭიროებს 5-დან 10 წლამდე გარდამავალ პერიოდს.
„მაგრამ ევროპელმა ლიდერებმა უნდა გაიაზრონ, რომ ისინი ნასესხები დროით ცხოვრობენ, აშშ-ის უსაფრთხოების ფოკუსი კი დაუნდობლად იცვლება მოწინააღმდეგე ჩინეთის მხარეს. მათ უნდა მიიტაცონ ნატო საკუთარი მიზნებისთვის“,- აღნიშნულია „გარდიანის“ სტატიაში.
თარგმანი: პირველი არხი
