ფინეთმა რუსეთთან საზღვრის ჩაკეტვის ვადა გაახანგრძლივა. ქვეყნის მთავრობის პრესსამსახურის ცნობით, ფინეთსა და რუსეთს შორის სახმელეთო სასაზღვრო პუნქტები 2024 წლის 15 აპრილის შემდეგაც ჩაკეტილი დარჩება.
გადაწყვეტილება ძალაში იქნება გაურკვეველი პერიოდით, „მაგრამ იმაზე დიდხანს არა, ვიდრე საჭიროა”.
ფინეთის მთავრობა აღნიშნავს, რომ გაზაფხულის დადგომასთან ერთად, რუსეთის მხრიდან საზღვაო გზით ფინეთში მიგრანტების გადაგზავნის მცდელობა შესაძლოა განახლდეს. ფინეთი მიიჩნევს, რომ რუსეთიდან მიგრაციის განახლების საფრთხე ჯერ კიდევ არსებობს, რაც სერიოზულ პრობლემას შეუქმნის ფინეთის ეროვნულ უსაფრთხოებასა და საზოგადოებრივ წესრიგს.
