ევროკავშირმა, ასევე კანადისა და ლიეტუვის ხელისუფლებებმა ბოლო მომენტში უარი თქვეს ვილნიუსში დეზინფორმაციის საკითხებზე გამართული კონფერენციის, Disinfo2026-ის დაფინანსებაში მონაწილეობაზე. ასეთი გადაწყვეტილება ევროკომისიის წარმომადგენელმა, კრისტიან ვიგანდმა "ზოგიერთი დისკუსიის ფორმულირებებთან" უთანხმოებით ახსნა, რომლებიც "არ შეესაბამება ევროკავშირის ოფიციალურ პოზიციას".
მან უარი თქვა დაეზუსტებინა, კონკრეტულად რომელმა პანელურმა დისკუსიებმა გამოიწვია ბრიუსელის უკმაყოფილება. ამასთან, მედია ყურადღებას ამახვილებს იმ ფაქტზე, რომ ერთ-ერთი მათგანი აშშ-ის მხრიდან "საინფორმაციო ჩარევის" საფრთხის თემაზე გაიმართა. მანამდე რიგმა გამოცემებმა, მათ შორის, ბრიტანულმა გაზეთმა The Guardian-მა, გაავრცელეს ინფორმაცია, რომ საგარეო ქმედებათა ევროპულმა სამსახურმა, ასევე ლიეტუვისა და კანადის ხელისუფლებებმა, ღონისძიების მხარდაჭერა აშშ-ის სახელმწიფო დეპარტამენტის მხრიდან ზეწოლის შემდეგ გაიწვიეს.
ვიგანდმა არც დაადასტურა და არც უარყო ცნობები ამერიკული ზეწოლის შესაძლებლობის შესახებ. აშშ-ის წარმომადგენლებთან კონტაქტების შესახებ დასმულ კითხვაზე პასუხისას მან განაცხადა, რომ პრინციპულად არ აკეთებს კომენტარს დიპლომატიურ მოლაპარაკებებზე.
კონფერენცია Disinfo2026 ლიეტუვის დედაქალაქში 7-8 ოქტომბერს გაიმართა. მის პროგრამაში შედიოდა დისკუსიები დეზინფორმაციასთან ბრძოლის შესახებ, ასევე ინტერვიუ სისხლის სამართლის საერთაშორისო სასამართლოს მოსამართლე კიმბერლი პროსტთან. ICC არაერთხელ გამხდარა აშშ-ის პრეზიდენტ დონალდ ტრამპისა და მისი ადმინისტრაციის მხრიდან მწვავე კრიტიკის სამიზნე.
