საფრანგეთის პრეზიდენტმა, ემანუელ მაკრონმა პრემიერ-მინისტრ გაბრიელ ატალის გადადგომის თხოვნა დააკმაყოფილა.
ახალი მთავრობის დანიშვნამდე ატალი და სხვა მინისტრები მოვალეობის შემსრულებლად დარჩებიან, ხოლო შემდეგ გაბრიელ ატალი ახალ ეროვნულ ასამბლეაში დეპუტატის რანგში განაგრძობს მუშაობას.
„იმისათვის, რომ ეს პერიოდი რაც შეიძლება, სწრაფად დასრულდეს, რესპუბლიკურმა ძალებმა უნდა იმუშაონ ერთად, რათა შექმნან ერთიანი ფრონტი იმ პროექტებისა და გადაწყვეტილებების ირგვლივ, რომლებიც ფრანგი ხალხის ინტერესებში იქნება“, – აღნიშნულია ელისეს სასახლის მიერ გავრცელებულ განცხადებაში.
გაბრიელ ატალმა ემანუელ მაკრონს გადადგომის თხოვნით საპარლამენტო არჩევნების შედეგების გამოქვეყნების შემდეგ მიმართა, თუმცა მაკრონმა მას პოსტზე დროებით დარჩენა სთხოვა. ცნობისთვის, მაკრონის ცენტრისტულმა ბლოკმა საპარლამენტო არჩევნებში მეორე ადგილი დაიკავა.
გაბრიელ ატალი მთავრობას 9 იანვრიდან ხელძღვანელობდა. ის 34 წლის ასაკში გახდა ყველაზე ახალგაზრდა პრემიერ-მინისტრი თანამედროვე საფრანგეთის ისტორიაში.
