დონალდ ტრამპის ახალი საპრეზიდენტო კამპანიის ფარგლებში სოციალურ ქსელში გამოქვეყნდა პოსტი, სადაც ჯორჯიის შტატის ნაცვლად, საქართველოს ფოტო იყო გამოყენებული.
Facebook-ზე განთავსებულ პოსტში ტრამპის კამპანიის გვერდი მოუწოდებდა ჯორჯიის შტატის ამომრჩევლებს, შეემოწმებინათ, დარეგისტრირდნენ თუ არა საპრეზიდენტო არჩევნებზე ხმის მისაცემად. პოსტს თან ახლდა ქარდი მთის გამოსახულებით. ეს მთა კი არა ჯორჯიის შტატში, არამედ საქართველოში მდებარეობს.
"მხოლოდ რამდენიმე ხმა გადაწყვეტს ამ არჩევნებს. ჩვენ შეგვიძლია, შევაჩეროთ ინფლაცია, დავიცვათ ჩვენი საზღვრები, შევამციროთ გადასახადები და დავაბრუნოთ ამერიკის სიდიადე!", – ნათქვამია პოსტში.
