დონალდ ტრამპის ადმინისტრაციამ ფედერალური დახმარების დროებით გაყინვის ბრძანება გააუქმა

დოკუმენტის მიხედვით, გაუქმდა ადმინისტრაციულ-საბიუჯეტო დეპარტამენტის M-25-13 შესაბამისი მემორანდუმი. ახალ მემორანდუმში, რომელიც ორგანიზაციებში აშშ-ს მენეჯმენტისა და ბიუჯეტის ოფისის (OMB) დირექტორის მოვალეობის შემსრულებლის, მეთიუ ვეითის მიერ გაიგზავნა, აღნიშნულია, რომ "OMB მემორანდუმი M-25-13 გაუქმებულია". 

მოგვიანებით თეთრმა სახლმა უარყო, რომ ფედერალური დაფინანსების გაყინვა გაუქმდა და აღნიშნა, რომ აკრძალვა "ძალაში რჩება".

თეთრი სახლის პრესმდივანმა ქეროლაინ ლევიტმა X-ზე დაწერა, რომ მიუხედავად იმისა, რომ წინა მემორანდუმი, ფედერალური გრანტების შეჩერების შესახებ, ადმინისტრაციამ გააუქმა, უცხოური დახმარებისა და ე.წ. DEI პროგრამების [Diversity - მრავალფეროვნება, Equity - თანასწორობა, Inclusion - ინკლუზიურობა] გაყინვის გადაწყვეტილება ძალაში რჩება. 

ფედერალური დახმარების დროებითი შეწყვეტა ძალაში 28 იანვარს, ვაშინგტონის დროით 17:00 საათზე უნდა შესულიყო.