Apple Corp.-ის აქციები, მხოლოდ ხუთშაბათს, თითქმის 3%-ით დაეცა, რამაც კომპანიის საბაზრო ღირებულება 200 მილიარდი დოლარით შეამცირა. ამის მიზეზი გახდა ის, რომ ჩინეთი, სამთავრობო უწყებებსა და სახელმწიფო კომპანიებზე, iPhone-ის აკრძალვის გაგრძელებას გეგმავს.
Apple-ის აქციები 6.4%-ით დაეცა, რაც ერთ თვეში ყველაზე უარესი ორდღიანი ვარდნაა. Apple აშშ-ს ძირითადი საფონდო ინდექსების უმსხვილესი კომპონენტია, რაც ხელს უწყობს უფრო ფართო გაყიდვას, რომელიც, ნაწილობრივ, ჩინეთში მიმდინარე რიგი საკითხებით არის გამოწვეული.
მსოფლიოს სიდიდით მეორე ეკონომიკა იკლებს უძრავი ქონების კრიზისის ფონზე, რომელიც საფრთხეს უქმნის მოთხოვნას ყველა საქონელზე, მათ შორის, სამომხმარებლო ელექტრონიკაზე. iPhone ჩინეთს, როგორც თავის უდიდეს საზღვარგარეთულ ბაზარს და გლობალურ წარმოების ბაზას მიიჩნევს.
Apple-ის პრობლემებს ემატება აშშ-ს სახაზინო შემოსავლების ზრდა, რადგან ობლიგაციები გაიყიდება იმ შიშით, რომ ფედერალურ რეზერვს მოუწევს, გააძლიეროს ბრძოლა ინფლაციის წინააღმდეგ, რადგან შეერთებული შტატების ეკონომიკა სტაბილური რჩება.
Bloomberg აღნიშნავს, რომ თუ პეკინი გადაწყვეტს, მთავრობის თანამშრომლებს Apple-ის გამოყენება აეკრძალოთ, უპრეცედენტო ბლოკადამ, შეიძლება, ასევე იმოქმედოს რამდენიმე სხვა ამერიკულ ტექნიკურ კომპანიაზე, რომლებიც ჩინეთში გაყიდვებსა და წარმოებას ეყრდნობიან.
