ვლადიმერ პუტინი: “უკრაინის მიერ გადახდილი ავანსი გაზზე 3-4 დღეში ამოიწურება”

"რუსეთი არ მიაწვდის უკრაინას გაზს წინასწარი გადახდის გარეშე უკრაინას, რომელსაც გადახდილი ავანსი გაზზე 3-4 დღეში ამოეწურება",-ამის შესახებ რუსეთის პრეზიდენტმა ვლადმერ პუტინმა კვიპროსის პრეზიდენტთან გამართულ ერთობლივ პრესკონფერენციაზე განაცხადა. 

როგორც პუტინმა აღნიშნა, უკრაინა რუსეთთან დადებულ ხელშეკრულებებს არღვევს.

"გაზპრომი სრულად ასრულებს ვალდებულებებს კონტრაქტის მიხედვით და ამას მომავალშიც გააკეთებს. წინასწარი გადახდები, საკმარისია გაზის მიწოდებისთვის მხოლოდ 3-4 დღეზე. თუ არ მოხდება ავანსით გადახდა, გაზპრომი ამ კონტრაქტის მიხედვით იმოქმედებს და მიწოდებას შეაჩერებს. რა თქმა უნდა, ამან, შესაძლოა ევროპისთვის შექმნას ტრანზიტის მიწოდების შეწყვეტის საფრთხე",-განაცხადა ვლადიმერ პუტინმა.

შეგახსენებთ, უკრაინაში ხელისუფლების ცვლილების შემდეგ, რუსეთმა უკრაინასთან გაზის მიწოდების ანგარიშსწორების სქემა შეცვალა და წინასწარი გადახდების სისტემაზე გადაიყვანა. მაშინ, რუსეთის ხელისუფლებამ ეს გადაწყვეტილება უკრაინის მხრიდან დავალიანების გადაუხდელობით ახსნა.

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად