ირაკლი ღარიბაშვილი: აზერბაიჯანის გაზის ჩანაცვლებაზე საუბარი აბსურდია

NULL

პრემიერის ინფორმაციით, აზერბაიჯანის გაზის ჩანაცვლებაზე საუბარი არ მიმდინარეობს. ირაკლი ღარიბაშვილი მოუწოდებს ყველას, აღნიშნულთან დაკავშირებით სპეკულაციები შეწყვიტონ.

მისი თქმით, ეს ორ ქვეყანას შორის არსებულ ურთიერთობას აზიანებს. რაც შეეხება აზერბაიჯანის პრეზიდნეტთან შეხვედრას პრემიერის თქმით, ალიევთან ქვეყნებს შორის სტრატეგიული ურთიერთობების გაღრმავების თაობაზე იმსჯელეს.

„ვთხოვ ყველას, რომ ამ საკითხის ირგვლივ სპეკულაციები დასრულდეს, რადგან ეს აზიანებს ზოგადად ჩვენ ქვეყნებს შორის არსებულ ურთიერთობებს. აზერბაიჯანთან სტრატეგიული ურთიერთობები იყო, არის და დარჩება ჩვენი სახელმწიფოს ერთ-ერთი მთავარი მიმართულება. როგორ შეიძლება პოლიტიკოსმა იფიქროს აზერბაიჯანთან პოლიტიკის გადახედვაზე. ეს აბსურდია. მიკვირს, როგორ იგონებენ ესეთ თემებს ჩვენი ოპონენტები. არავითარ დივერსიფიკაციაზე და აზერბაიჯანის გაზის ჩანაცვლებაზე საუბარი არ მიდის, ეს სრული აბსურდია. მოვუწოდებ ყველას ნუ შეჰყავთ მოსახლეობა შეცდომაში. გამოვიჩინოთ მეტი პასუხისმგებლობა, როდესაც ჩვენს საზოგადოებას ვესაუბრებით”, – განაცხადა ღარიბაშვილმა.

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად