“ეს “ნაციონალური მოძრაობის” კი არა, ხელისუფლების პოლიტიკური იმპოტენციის ბრალია”

"როდესაც მიხეილ სააკაშვილს ბებიამისის 12 წლის მანქანას დაუყადაღებ, უნდა ელოდო, რომ საერთაშორისო თანამეგობრობას შესაბამისი რეაქცია ექნება", – ასე გამოეხმაურა "გაერთიანებული დემოკრატიული მოძრაობის" ლიდერი, ნინო ბურჯანაძე Human Rights Watch-ის ანგარიშს, სადაც საუბარია ყოფილი ხელისუფლების წარმომადგენლების მისამართით პოლიტიკურ ანგარიშსწორებაზე. 

ნინო ბურჯანაძე მიიჩნევს, რომ ხელისუფლების უუნარობაზე მეტყველებს მათი განცხადებები, როდესაც აცხადებენ, რომ Human Rights Watch ოპოზიციური პარტიის პროპაგანდას აყვა.

"ეს ანგარიში არის კატასტროფული ჩვენი ხელისუფლებისათვის. ეს არის ნამდვილად ამ ხელისუფლების უუნარობის შედეგი და ის როდესაც ხელისუფლება ლაპარაკობს, რომ თურმე Human Rights Watch აყვა ოპოზიციური პარტიის პროპაგანდას ეს კიდევ უფრო სამარცხვინოა. ოპოზიციური პარტიისთვის უფრო რთულია ასეთი ორგანიზაციებისათვის თავზე პროპაგანდის მოხვევა, ვიდრე ხელისუფლებისათვის. ხელისუფლება რომ ოდნავ რაიმე უნარის მქონე იყოს, მას რომ ქონდეს ელემენტარული ცოდნა და გამოცდილება იმასთან დაკავშირებით თუ როგორ უნდა იმოქმედოს, Human Rights Watch ექნებოდა ასეთ შემთხვევაში ობიექტური ინფორმაცია. არავის პროპაგანდას არ აყვებოდა და თუ ეს ორგანიზაცია არის შეცდომაში შეყვანილი ეს არის არა "ნაციონალური მოძრაობის" და ვინმეს ბრალი, არამედ ამ ხელისუფლების სრული პოლიტიკური იმპოტენციის და უუნარობის ბრალი", – განაცხადა ნინო ბურჯანაძემ. 

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად