ოზურგეთის მერმა პაატა კუნჭულიამ და მერის მოადგილემ გურამ გოლიაძემ, აფხაზეთის ომში დაღუპული ჯარისკაცების დედებს, მეუღლეებს და ომში მონაწილე ვეტერან ქალბატონებს ქალთა საერთაშორისო დღე მიულოცეს.
„ჩვენს ვეტერანებს ვულოცავ ქალთა დღეს. ვეცადეთ, დღეს განსაკუთრებით გამოგვეხატა ის მადლიერება და სიყვარული, რაც მათ მიმართ გვაქვს.
თითოეულ ქალბატონს გილოცავთ 8 მარტს – ქალთა საერთაშორისო დღეს! გისურვებთ ბედნიერებასა და წარმატებებს." – განაცხადა პაატა კუნჭულიამ.
ოზურგეთის მუნიციპალიტეტის მერიამ, ქალთა საერთაშორისო დღესთან დაკავშირებით, ვეტერანებს ფულადი დახმარება გადასცა.
