ბათუმის ნავსადგურის ტერიტორიაზე საპროტესტო აქცია გრძელდება. საკრუიზო ლაინერის მგზავრების ნაწილმა უკვე დატოვა ტერიტორია.
აქციის მონაწილეებმა ავტობუსებს წყლის ბოთლები და კვერცხები დაუშინეს, თუმცა პოლიციის დახმარებით მათ ადგილის დატოვება შეძლეს.
შსს-ს ინფორმაციით, ბათუმის ნავსადგურის ტერიტორიაზე მიმდინარე აქციაზე ცხრა მოქალაქე დააკავეს.
ეკონომიკისა და მდგრადი განვითარების სამინისტროში განაცხადეს, რომ პალაუს დროშის ქვეშ მცურავი საკრუიზო ლაინერი Astoria Grande სანქცირებული არ არის და მსოფლიოს სხვადასხვა ნავსადგურში თავისუფლად გადაადგილდება.
