"რას გამოაცხადებს ცესკო, ვის აინტერესებს? იმიტომ, რომ ცესკო სულ იტყუება. მთავარია, ხალხი რას გრძნობს." - ამის შესახებ პარტია "ახალის" დამფუძნებელმა და კოალიცია "ცვლილებებისთვის" ლიდერმა, ნიკა გვარამიამ, ტელეკომპანია "ფორმულას" ეთერში განაცხადა, სადაც 26 ოქტომბრის საპარლამენტო არჩევნებთან დაკავშირებით ისაუბრა.
მისი თქმით, არავის აინტერესებს, რას გამოაცხადებს ცენტრალური საარჩევნო კომისია, ვინაიდან იგი სულ იტყუება.
ნიკა გვარამიას განცხადებით, მთავარია, რას გრძნობს ხალხი, რადგან ხალხმა იცის გაიმარჯვა თუ არა ხელისუფლებამ. ამის მაგალითად მოჰყავს 2003 წლის და 2012 წლის მოვლენები.
"რას გამოაცხადებს ცესკო, ვის აინტერესებს? იმიტომ, რომ ცესკო სულ იტყუება. მთავარია, ხალხი რას გრძნობს. ხალხმა ყოველთვის კარგად იცის, არჩევნებში ხელისუფლება დამარცხდა თუ გაიმარჯვა. ყოველთვის იცოდა ეს, 2003 წელსაც, როცა "ნაციონალურმა მოძრაობამ" და სხვა ოპოზიციურმა პარტიებმა გაიმარჯვეს და იმიტომაც მოხდა, რაც მოხდა. ეს იცოდა 2012-შიც და იმიტომაც ვერ მოხდა, უფრო სწორად, არ მოხდა ის, რაც არ მოხდა - აღიარა სააკაშვილმა ["ქართული ოცნების"] გამარჯვება და იგივე მოხდება ახლაც", - განაცხადა ნიკა გვარამიამ.
