რეგიონული პოლიტიკისა და თვითმმართველობის საპარლამენტო კომიტეტის თავმჯდომარის პირველმა მოადგილემ, საპარლამენტო უმრავლესობის წევრმა ირაკლი ზარქუამ თბილისის მე-8 საერთაშორისო კონფერენციაზე, სახელწოდებით „გარდამტეხი წელი“, ისაუბრა, რომელმაც კონფერენციას ალქაჯების გაერთიანება უწოდა.
„ამ ალქაჯების გაერთიანება, რაც დღეს აქ ხდება, მგონია, რომ ტყუილად დროის და ფულის ხარჯვაა“-აღნიშნავს ზარქუა.
“ყოველწლიურად იკრიბებიან ჩვენი ადგილობრივი უსამშობლოები, აგენტურა და შემდეგ ზოგი ხელმოცარული დიპლომატი, ზოგი ევროპარლამენტს მიღმა დარჩენილი, მაგალითად, ფოტიგა საკუთარმა მოსახლეობამ არ აირჩია და ბევრი დრო აქვს ახლა და ამიტომ მოგზაურობს. რატომაც არა, ულამაზესი ქვეყანა გვაქვს. ხან აქ შემოირბენს, ხან იქ შემოირბენს - თან უფინანსებენ. ბევრი ფოტიგები ესწრებიან. ეს არის უბრალოდ, ალქაჯების გაერთიანება, რომლებიც მორალს გვიკითხავენ, გვმოძღვრავენ, დემოკრატიაზე ნოტაციებს გვიკითხავენ და ვინ? ერთი ამერიკელის, დევიდ კრამერის პოზიცია მოვისმინე. ერთ-ერთი მორიგი უსამშობლოა, „ნაცების“ სატელიტი და ლობისტი და მორალს გვიკითხავს. ბიჭო, შენს ქვეყანაში პრეზიდენტობის კანდიდატს ტყვიას ესვრიან, ოპონენტები, რესპუბლიკელები ბრალს გდებენ, რომ ბაიდენის მთავრობა იურიდიულ დეპარტამენტს პოლიტიკური ნიშნით იყენებსო. ანუ, დევნას ახორციელებსო. ასეთი შეხლა-შემოხლა და ფაქტები გაქვთ. მერე რანაირად შემოგიტრიალდება ენა, რომ საქართველოს ხელისუფლებას ან ქართველ ხალხს ჭკუა ასწავლო დემოკრატიაზე. ჟურნალისტებს აგდებთ, “Fox News”-დან ის ცნობილი ჟურნალისტი განსხვავებული პოზიციის გამო გამოაგდეთ და ჩვენთან ვინც კი მწვალებელი იყო „ნაციონალური მოძრაობის“ დროს, ვინც კი ზონდერი და სისხლიანი პროკურორი იყო, ზოგი ახლა ჟურნალისტად და მედიამენეჯერად გვევლინება, ზოგმა კიდევ პოლიტიკოსობა აირჩია და ყველას აქვს შესაძლებლობა, რომ თავის პლატფორმაზე იბჟუტუროს და სიგიჟეები იძახოს. ახლა დემოკრატია იქ უფრო მაღალია თუ ჩვენთან?”, - განაცხადა ზარქუამ.
ცნობისთვის, თბილისში სენატორ მაკკეინის სახელობის კონფერენცია მიმდინარეობს.
